En faictes vous doubte

En faictes vous doubte
Que vostre ne soye?
Se Dieu me doint joye
Au cueur, si suis toute.

Rien ne m’en deboute,
Pour chose que j’oye.
En faictes vous doubte
Que vostre ne soye?

Dangier et sa route
S’en voisent leur voye (1),
Sans que plus les voye!
Tousjours il m’escoute.
En faictes vous doubte?

1. Voye : Passent leur chemin.


Verset En faictes vous doubte - Charles d'Orléans